Për vite me rradhë, në Shqipëri shumë prindër kanë nxitur fëmijët e tyre të zgjedhin vazhdimisht profesione akademike. Duke lënë në hije për shumë kohë edukimin profesional, shumë të rinj po përballen me pakënaqësi në punë dhe vendi jonë me mungesë të profesioneve teknike.

Për të qenë sa më produktiv në punë është e rëndësishme që detyrat e secilit të jenë të përputhura me aftësitë dhe interesat vetjake. Informacion ky, i cili nuk ka marrë vëmendjen e duhur deri më sot.

Studenti Solutions, si një platformë e cila ka për qëllim të drejtojë individë drejt zgjedhjeve më të mira të karrierës, liston disa nga benefitet e të vazhduarit një shkollim profesional:

Mund të jetë e përshtatshme për personalitetin tuaj

Dikush mund të jetë një akademik i shkëlqyer. Dikush është i mirë me fjalët ndërkohë dikush tjetër mund të jetë një duarartë në profesionet teknike. Ju keni mundësinë të eksploroni një listë të gjatë profesionesh, duke zgjedhur atë që përshtatet me karakterin tuaj. Të qenurit efiçent në atë që bën, është shumë e rëndësishme për kënaqësinë në punë. Duke ndjekur studime akademike, do ju duhet të studioni kaq shumë teori ndërkohë që ju mund të jeni një person krejtësisht praktik. Kjo mund të sjellë ezaurimin e energjisë tuaj dhe uljen e produktivitetit

Akses më i lehtë në tregun e punës

Duke qënë se studimet profesionale zgjasin përgjithësisht më pak, kjo do të thotë që ju do dilni më herët në tregun e punës. Ky do të jetë një avantazh për të eksploruar më shumë dhe për të fituar më shumë eksperiencë. Me eksperiencën tonë në fushën e edukimit për karrierë, kemi evidentuar gjithashtu faktin se edukimi profesional, ju mundëson më shpejt dhe lehtë edhe aksesin në tregun ndërkombëtar.

Të ardhura konkurruese

Edukimi profesional ashtu sikurse çdo lloj tjetër edukimi, ofron mundësinë për fitime monetare konkurruese. Edhe pse ka pasur gjithmonë stigmë rreth tij, ka ardhur momenti të ndalojmë atë. Edukimi profesional mund të jetë zgjidhja më e mënçur për këdo që i përputhen aftësitë dhe interesat.

The post Shkollimi profesional: Një përqasje e harruar në Shqipëri appeared first on Studenti Solutions.

Time is Up!

Time's up

The post Testi i dominancës së hemisferave appeared first on Studenti Solutions.

Koncepti i inteligjencës së shumëfishtë, është një teori e propozuar nga psikologu i Harvardit, Howard Gardner. Kur dëgjoni fjalën inteligjencë, koncepti i testimit të IQ mund të vijë menjëherë në mendje. Inteligjenca shpesh përkufizohet si potenciali ynë intelektual. Diçka me të cilën kemi lindur, diçka që mund të matet dhe një kapacitet që është e vështirë të ndryshohet. Duke fituar njohuri mbi mënyrën më të mirë se si secili nga ne percepton dhe kupton, ne mund të përmirësohemi në shumë mënyra.

Të gjithë jemi të ndryshëm. Truri i secilit prej nesh, percepton informacionin ndryshe. Vetëdija për këtë fakt, na lejon të ndihmojmë veten për të kuptuar stilin tonë të të mësuarit por edhe të të punuarit. Psikologët kanë arritur të evidentojnë disa lloje të ndryshme inteligjencash të cilat renditen si më poshtë:

Inteligjenca gjuhësore

Personat që kanë një inteligjencë gjuhësore, dinë të përdorin artin e fjalës. Ata shpesh janë bindës, folës dhe dëgjues të mirë. Karrierat idele për ta janë: Avokat, Folës, Politikan.

Inteligjenca logjike

Kjo inteligjence karakterizohet nga shkathtësia për të kuptuar probleme matematikore dhe numrat. Personat me këtë lloj inteligjence janë shumë të aftë dhe të saktë me numrat. Karrierat ideale për ta janë: Llogaritar, Mësues matematike, Ekonomist.

Inteligjenca interpersonale

Inteligjenca interpersonale mundëson të kuptuarit të dinamikave midis marrëdhënieve me të tjerët. Ata janë empatik dhe komunikues të shkëlqyer. Karrierat ideale për ta mund të jenë: Terapist, Psikolog, Mësues.

Inteligjenca hapësinore

Kjo lloj inteligjence tregon modele që vërtetojnë aftësinë për të menduar në tre dimensione. Njerëzit që zhvillojnë inteligjencën hapësinore janë të mirë në zgjidhjen e problemeve hapësinore si vizatimi dhe piktura, leximi i hartave, shikimi i figurave, zgjidhjen e labirinteve.

Inteligjenca trupore-kinestetike

Është aftësia për të përdorur të gjithë trupin në shprehjen e ideve dhe ndjenjave, dhe lehtësinë në përdorimin e duarve për të transformuar elementët. Fëmijët që tregojnë inteligjencë kinestetike janë të mirë në vallëzim, aktrim, imitim të gjesteve ose shprehjeve, të luajnë sport, të vrapojnë, të lëvizin dhe të kërcejnë.

Inteligjenca intrapersonale

Dallon ata që e njohin veten më mirë. Këta fëmijë pëlqejnë të punojnë në mënyrë të pavarur, të vendosin qëllime dhe të fokusohen në arritjen e tyre, të kuptojnë ndjenjat e tyre dhe të njohin pikat e forta dhe të dobëta të tyre.

Inteligjenca natyraliste

Lidhet me tërheqjen ndaj çështjeve mjedisore, bimëve dhe kafshëve. Njerëzit me këtë lloj inteligjence kënaqen duke bërë aktivitete të tilla si kampingu, ecja, kujdesi për kafshët, mësimi për natyrën, riciklimi dhe kujdesi për mjedisin.

Inteligjenca Muzikore

Është tipike për fëmijët me një aftësi të lindur për të mësuar tinguj të ndryshëm. Ato përkthehen në një aftësi të madhe për të kënduar, dëgjuar muzikë, për të luajtur instrumente, për të kompozuar këngë, për të shijuar koncerte dhe për të ndjekur ritme të ndryshme. Kjo lloj inteligjence mund të vërejë nota jo të buta që të tjerët nuk i bëjnë dhe mund t’i mësojnë lehtësisht këngët dhe meloditë.

Duke ditur më shumë për llojet e inteligjencave, ju mund të bëni zgjedhje më të mira karriere.

The post A e dini se ekzistojnë 8 lloje inteligjencash? appeared first on Studenti Solutions.

Bërja e përparimit është ajo që karriera synon. Çdo punë është në thelb një hap në rrugën drejt suksesit dhe lumturisë suaj përfundimtare. Në një farë mënyre, ky është një këndvështrim vërtet pozitiv. Secila përpjekje që bëni mund të shpërblehet në mënyrë kumulative ndërsa ecni drejt së ardhmes. Shikimi i karrierës suaj si një rritje dhe përparim, gjithnjë në zgjerim dhe në përmirësim mund të jetë shpresëdhënëse dhe frymëzuese.

Megjithatë, nëse ndiheni të humbur në lidhje me përparimin tuaj në shkallët e karrierës, ka gjëra që mund të ndihmojnë. Riorganizimi i të menduarit tuaj dhe ristrukturimi i ideve tuaja për trajektoren e karrierës, jo vetëm që mund t’ju bëjë të ndiheni më të lumtur dhe më të sigurt, por gjithashtu mund t’ju ndihmojë të ecni më shpejt drejt arritjes së qëllimeve tuaja.

Zgjidhni këshillimin e karrierës

Mund të jetë jashtëzakonisht e lehtë të fokusohesh shumë në vendin ku dëshiron të arrish.  Një nga përfitimet kryesore të të pasurit një këshillues karriere është se ata ndihmojnë në realizimin e potencialit të plotë të studentit apo të diplomuarit. Secili mund të ketë talente, aftësi dhe cilësi personale. Nëse kuptohen dhe zhvillohen siç duhet, ato lejojnë të ndiqet një rrugë karriere përmbushëse dhe shumë e suksesshme. Mbajtja e një qëllimi në mendjen tuaj mund t’a bëjë të lehtë t’ju shtyjë drejt së ardhmes. Por sigurohuni që po merrni kohë për të rishqyrtuar dhe vlerësuar këtë qëllim.

Formalizoni planet tuaja

Bërja e hapave drejt një ëndërre eventuale ose qëllimit të jetës tingëllon mjaft e lehtë. Ju duhet t’a keni tashmë këtë qëllim përfundimtar, në mënyrë që të dini se për çfarë po punoni. Të dish se ku dëshiron të përfundosh mund të jetë një burim i shkëlqyer frymëzimi kur i ke gjërat të vështira.

Festoni suksesin,  sado i vogël qoftë

Kur përpiqeni vazhdimisht për më shumë, mund të jetë shumë e lehtë të lini arritjet tuaja aktuale të fshihen nën qilim. Të marrësh kohë për të kuptuar arritjet e tua dhe për të uruar veten është absolutisht thelbësore.

Nëse nuk e bëni këtë, lehtë mund të filloni të harroni pse po përpiqeni të arrini më shumë. Punoni shumë dhe shtyni veten.  Mbani mend se duhet të jeni gjithashtu të sjellshëm me veten tuaj.

The post Si planifikimi i karrierës ju bën më të suksesshëm? appeared first on Studenti Solutions.

Hulumtimet sugjerojnë se personaliteti mund të përcaktojë rrugën e karrierës që zgjidhet dhe mund të parashikojë nëse mund të ketë pakënaqësi nga puna në të ardhmen.

Disa studime kanë treguar se njerëzit që zgjedhin punë bazuar në karakteristika dhe detyra që lidhen me personalitetin e tyre janë më produktiv. Ata janë më të lumtur dhe fitojnë më shumë para.

Për shembull, ekstravertët priren të zgjedhin punë që përfshijnë komunikimin me të tjerët. Disa të tilla janë shitjet ose shërbimi ndaj klientit. Introvertët, nga ana tjetër, mund të priren drejt punëve që ndërveprojnë me teknologjinë. Mospërshtatjet në këto punë – një introvert që është shitës, për shembull, ose një ekstravert që punon vetëm në një zyrë – mund të çojë në performancë më të ulët dhe pakënaqësi.

Si ndikon personaliteti në karrierë?

Hulumtimet kanë gjetur dallime të personalitetit në pozicionet drejtuese në varësi të sektorit të organizatës. Për shembull, udhëheqësit më efektivë, në përgjithësi, janë ekstravertë. Janë të ndërgjegjshëm, të pëlqyeshëm dhe të hapur ndaj përvojave. Megjithatë, kur matën drejtuesit në departamentet e policisë, zbuluam se ekstraversioni dhe ndërgjegjja lidheshin me drejtuesit e policisë.  Pajtueshmëria dhe hapja ndaj përvojës nuk ishin të lidhura. Kjo ka kuptim për shkak të mjedisit të ngurtë, të drejtuar nga rregullat e policisë. Hapja ndaj përvojës lidhet me shkeljen e butë të rregullave. Kjo nuk do t’i përshtatej punës së mirë policore.

Pra, një mënyrë për të kuptuar më mirë punën tuaj dhe shpërblimet dhe tendosjet që vijnë prej saj është të krahasoni kërkesat e punës (dhe mjedisin e punës/organizatës) me tiparet tuaja më të forta të personalitetit.

A mund të zbuloni karrierën ideale, në varësi të personalitetit tuaj? Përgjigjja për këtë pyetje nuk është më e diskutueshme.

Personaliteti patjetër që përcakton suksesin në karrierë. Kaloni te testi për të zbuluar tipin tuaj të personalitetit.

The post Zbuloni karrierën ideale, në varësi të personalitetit tuaj appeared first on Studenti Solutions.

Nxitja për orientimin e karrierës që në fëmijëri mund të përmirësojë performancën dhe motivimin e fëmijëvë në shkollë. Vitet e fundit, akademikët po përpiqen të përfshijnë këshillimin sa më shumë në sistemet shkollore. Qëllimi kryesor që ne po përpiqemi të arrijmë është të hedhim dritë mbi faktin se ka një karrierë ideale për këdo.

Po, ka një karrierë ideale për ju. Kur flasim për karrierë ideale mbajmë parasysh faktin se ne mund të shkëlqejmë aty ku mund të ekzekutojmë më të mirën tonë. Gjetja e një profesioni të cilin mund të ushtrojmë duke i shërbyer maksimalisht vetes dhe komunitetit tonë, mund të përmirësojë ndjeshëm cilësinë e jetës dhe vetëvlersimit.

Më poshtë do të gjeni disa këshilla se si të implementoni këshillimin e karrierës që në vogëli, si një nevojë për të arritur rezultate më të mira në shkollë dhe në punë:

Vendosni qëllime të arritshme për të realizuar ëndërrat tuaja

Vendosja e një qëllimi, e kthen punën tuaj në një mision. Edhe nëse jeni një nxënës, student apo i sapo diplomuar ju duhet gjithmonë të planifikoni rrugëtimin tuaj të karrierës. Duke qenë se orientimi i karrierës është një plan pune i personalizuar posaçërisht për ju, ju integroni aftësinë për të menduar dhe punuar për një qëllim specifik.

Qëllimi kryesor për të cilin duhet të punoni, është zbulimi i pikave tuaja më të forta. Duke i evidentuar ato, ju keni evidentuar gjithashtu një karrierë ideale për ju.

Është një maratonë dhe jo një sprint

Orientimi i karrierës tuaj ngjan me një maratonë në të cilën ju konkuroni vetëm veten tuaj. Përqendrimi në rritjen dhe përmirësimin e vazhdueshëm është mënyra më e mirë për të arritur ëndërrat tuaja.

Nëse vendosen një sërë qëllimesh afatshkurtra për të mbështetur një qëllim më të madh mund të bëhet ndryshimi. Kur vendoset një plan i arsyeshëm dhe bëhen ndryshime të vogla çdo muaj, deri në fund të vitit, janë zbatuar 12 ndryshime efektive dhe të arsyeshme dhe rezultatet janë të prekshme!

Zbuloni karrierën ideale për ju

Filloni me vendin ku dëshironi të jeni pesë vite nga tani dhe pyesni veten:

Ku jam tani?

Ku dua të jem?

Nga çfarë kam frikë?

Çfarë kam arritur tashmë?

Ku dua të shkoj?

Kë duhet të përfshij?

Nëse të mendosh për pesë vite përpara duket shumë larg, thjesht mendo se ku dëshiron të jesh në këtë kohë vitin e ardhshëm dhe bëjini vetes pyetje të kundërta:

Çfarë nuk dua të bëj këtë herë vitin e ardhshëm?

Ku nuk dua të jem?

Shkruani gjithçka dhe mendoni se kush duhet të përfshihet dhe kush do të ndikohet nga përgjigjet tuaja.

Nëpërmjet orientimit të karrierës ju gjurmoni arritjet e qëllimeve dhe zbuloni karrierën ideale për ju.

The post Zbuloni karrierën ideale për ju appeared first on Studenti Solutions.

Zbulo potencialin tënd dhe bëhu një Lider

Zbulo potencialin tënd dhe bëhu një Lider! Fokusi tek tendenca më e fundit e tregut të punës, është një faktor kyç në zgjedhjen e karrierës!  Koherenca me luhatjet dhe ndryshimet e fundit në treg sigurisht janë zgjedhje shumë e mirë. Na lejoni të rendisim disa faktor brilant që do iu drejtojnë drejt zbulimit të potencialit tuaj për të qenë liderat e së ardhmes!
Zgjedhja e ndjekjes së ëndrrës tuaj, të qenurit autentik dhe të veçantë, është një faktor shumë i rëndësishëm në rrugëtimin tuaj drejt SUKSESIT!

Si të zbulojmë punën e ëndrrave tona që në vogëli?

Duke evidentuar atë që ne bëjmë më mirë, duke gjetur motivim në imazhin që ndërtojmë për vetveten do të kemi mundësi të zgjedhim fushën e studimit. Me dedikim konstant, do të shkëlqejmë!  Profesioni juaj, zë një hapësirë shumë të madhe të ditës. Për këtë motiv, duhet të përkoj me të qenurit i lumtur dhe i arrirë . Diplomimi në profilin e duhur është hapi më i rëndësishëm për të arritur këtë!

Ka një karrierë ideale për këdo

Përballja me pengesat duhet përdorur si një mënyrë motivimi dhe sfide duke mos lejuar humbjen e vetëbesimit. Sugjerohet inkurajimi nëpërmjet një këshilluesi karriere.  Këshilluesi i karrierës ju jep dorën drejt maksimizimit të rritjes tuaj profesionale dhe suksesit të garantuar.

Zgjedhja e këshilluesit të karrierës

The post Zbulo potencialin tënd dhe bëhu nje Lider! appeared first on Studenti Solutions.

Çfarë do të thotë lumturi në punë?

Çfarë do të thotë lumturi në punë? Ne nuk e konsiderojmë lumturinë si një gjendje emocionale momentale si dëfrimi ose kënaqësia. Nuk mendojmë se mund të arrini në lumturi duke bashkuar një rrjedhë përvojash pozitive. Përkundrazi, ne e përkufizojmë lumturinë si një cilësi gjithëpërfshirëse të jetës. Cilësi që është e pasur me një sërë emocionesh, madje duke përfshirë episodet e zemërimit, trishtimit dhe stresit. Ndonëse nuk është ideale që këto emocione sfiduese të zgjasin shumë, situatat në të cilat ato ndodhin shpesh janë ato që ushqejnë ndjenjën tonë më të thellë të qëllimit. Këto situata na tërheqin në kontakt kuptimplotë me të tjerët.

Nuk ka asnjë zgjidhje të vetme dhe të thjeshtë për të gjetur lumturinë në punë.  Janë identifikuar katër shtylla kryesore që mund ta bëjnë këtë: Qëllimi, Angazhimi, Qëndrueshmëria dhe Mirësia.

Studimet raportojnë mënyra të shumta për të forcuar secilën shtyllë në nivele personale, sociale dhe strukturore në punë. Nëpërmjet ushtrimeve dhe aktiviteteve individuale, zhvillimit të aftësive kryesore sociale, ndryshimeve në stilin e udhëheqjes, iniciativave ose ndryshimeve në politikën e kompanisë.

 QËLLIMI

Qëllimi ynë është një pasqyrim i vlerave tona thelbësore. Ne ndihemi më të qëllimshëm në punë kur sjelljet dhe vendimet tona të përditshme janë në përputhje me ato vlera. Si individë, të sjellësh më shumë pasion dhe qëllim në punë mund të nënkuptojë të afirmojmë veten në formulimin dhe kryerjen e detyrave tona të përditshme. Gjithashtu të lidhim atë që bëjmë me atë që besojmë. Për shembull, nëse vlerësoni barazinë dhe diversitetin, mund të vendosni të bashkëpunoni me njerëz me prejardhje të ndryshme nga tuajat.

Angazhimi

A ju pëlqen përgjithësisht puna juaj? A jeni pjesë e vendimeve se çfarë, kur dhe si i bëni gjërat në punë? Sa shpesh ndiheni kurioz ose të zhytur thellë dhe humbisni ndjenjën e kohës gjatë punës? A mendoni se mund të jeni efektiv dhe t’i kryeni gjërat?

Sipas raporteve të fundit, shumica e njerëzve që punojnë në mbarë botën u thonë jo pyetjeve të tilla. Kuptojmë se angazhimi në punë është i ulët.

Ka dy mënyra për të rritur angazhimin në punë. Së pari, jepni pak gjallëri, kreativitet dhe mendjelehtësi. Së dyti, jepuni njerëzve më shumë zotërim mbi orarin e tyre të përditshëm, detyrat dhe zhvillimin profesional. Krijoni mundësi për të mësuar dhe për t’u rritur.

Qëndrueshmëria

Aftësia për të trajtuar, përshtatur dhe për të mësuar në mënyrë produktive nga pengesat, dështimet dhe zhgënjimet është kritike për lumturinë e përgjithshme në punë. Qëndrueshmëria nuk do të thotë të përpiqesh të parandalosh vështirësitë, të mbytësh stresin ose të shmangësh konfrontimin. Qëndrueshmëri do të thotë të jesh në gjendje të menaxhosh sfidat në punë me autenticitet.

Për të forcuar elasticitetin tuaj në punë, ndoshta teknika më premtuese është të praktikoni vëtëdijen. Vetëdija mund të jetë një pikënisje për të rishikuar zakonet tona të mësuara të vetëkritikës ose fajësimit të të tjerëve, ose të preokupuarit për shqetësimet e së kaluarës ose të së ardhmes. Këto e bëjnë të vështirë menaxhimin e momenteve të vështira në punë. Një mënyrë tjetër për të forcuar elasticitetin në punë është të jesh autentik. Të qenit i vërtetë me veten në punë eliminon stresin e ‘veprimtarisë sipërfaqësore’.

MIRËSIA

Së fundi, ne jemi më të lumtur në punë kur prekim prirjen tonë të lindur drejt mirësisë, duke i orientuar mendimet, ndjenjat dhe veprimet tona drejt kujdesit për të tjerët dhe lidhjeve të vërteta sociale mbështetëse. Të qenit i sjellshëm në punë përfshin trajtimin e të tjerëve me dinjitet dhe respekt, zgjerimin e ndjeshmërisë dhe dhembshurisë, praktikimin e mirënjohjes dhe menaxhimin konstruktiv të konflikteve.

Për liderët, aftësitë e civilizimit janë kritike për të shmangur ndikimin korruptiv të fitimit të pushtetit. Një hap tjetër drejt mirësisë në punë është praktikimi i gjendjeve “prosociale” si empatia, dhembshuria dhe mirënjohja. Empatia është baza për të kuptuar njerëzit e tjerë dhe drejton zgjedhjet bashkëpunuese dhe punën efektive në grup. Jo vetëm që dhembshuria dhe mirënjohja rrisin mirësinë, ato gjithashtu i ndihmojnë njerëzit të kenë sukses në qëllimet e tyre në punë.

Çfarë ndodh kur marrëdhëniet në vendin e punës hasin probleme? Hulumtimet tregojnë se kërkimi i faljes, që shpesh konsiderohet si shenjë dobësie, është e mirë për besimin dhe, nga ana tjetër, lumturinë në punë. Faljet frymëzojnë respekt dhe përkushtim më të madh tek njerëzit përreth jush dhe i bëjnë organizatat më të mira në rikthimin nga pengesat.

Sot, ne ende përballemi me nivele çuditërisht të larta mërzie, mosangazhimi, stresi kronik gjatë këtyre kohërave të pasigurta dhe madje edhe cinizmi. Mijëvjeçarët pajtohen se lumturia në punë, si lumturia në jetë, është një aspiratë bazë njerëzore dhe, si rrjedhim, “përfitimi” më tërheqës që mund të ofrojë një vend pune. Dhe hulumtimet tregojnë se lumturia në punë është thelbësore për suksesin organizativ, plotësisht e mundur për t’u nxitur dhe ia vlen investimi dhe mundi.

Çfarë do të thotë lumturi në punë?

The post Çfarë do të thotë lumturi në punë? appeared first on Studenti Solutions.

Të gjithë kemi qenë atje. Ajo ndjesi dërrmuese kur ulesh në tryezën tënde për një javë tjetër punë dhe pyet veten pse je këtu. Por kur shkon përtej ndjesisë që ndjehet universalisht të hënën në mëngjes?  Me fjalë të tjera, si mund ta dalloni kur jeni në punën e gabuar?

Këtu janë vetëm pesë shenja që tregojnë se është koha për të filluar kërkimin e punës tjetër menjëherë…

Nguroni të shkoni në punë në mëngjes

Këtu nuk po flasim vetëm për ngurrimin e mëngjesit të së hënës, por për të marrë të njëjtën ndjenjë fundosjeje çdo ditë të javës së punës. Ne të gjithë fillojmë një punë të re me optimizëm të pakufishëm. Është e natyrshme që periudha e muajit të mjaltit të mbarojë dhe të filloni të shihni anët jo dhe aq të  mira.

Sigurisht që do të ketë ditë të mira dhe të këqija në çdo punë. Nëse ditët e këqija janë dukshëm më të shumta se ato të mira, atëherë pothuajse me siguri është koha për ta lënë atë. Kur nuk mund të shihni më asnjë gjë pozitive në hyrjen në punë, ju jeni padyshim në punën e gabuar.

Diçka nuk shkon mirë

Ndoshta nuk mund ta vendosni gishtin, por nëse diçka në këtë rol thjesht nuk ju përshtatet, atëherë mund të jeni në punën e gabuar. Ndjesia mund të jetë një gjë tepër e fuqishme edhe kur nuk mund të përcaktoni saktësisht se çfarë ju bën të pakënaqur.

Ju nuk jeni duke u rritur apo zhvilluar

Askujt nuk i pëlqen të ndihet i mbërthyer në një rrëmujë në karrierë. Nëse puna nuk po e shtyn më zhvillimin tuaj profesional, atëherë mund të jetë koha të kërkoni diçka që do ta bëjë. Disa kompani janë të shkëlqyera për të ofruar trajnime shtesë dhe për të ushqyer talentin e tuaj.

Nëse puna është e zakonshme, e përsëritur dhe nuk i shton vlerë CV-së tuaj, atëherë tani mund të jetë një kohë e mirë për të filluar të shikoni përreth. Një punë që nuk ndihmon në përparimin e karrierës suaj në asnjë mënyrë, është një humbje e plotë kohe.

Ju nuk po përdorni pikat tuaja të forta

Pavarësisht se sa kualifikime mund të keni, ne të gjithë kemi një grup aftësish unike të cilat do të dëshironim ti përpunonim gjatë ditës së punës. Nëse puna nuk ju lejon të luani me pikat tuaja të forta dhe të përdorni aftësitë tuaja, atëherë ndoshta nuk do t’ju bëjë të lumtur në planin afatgjatë.

Kohët e ngushta ekonomike kanë bërë që shumë njerëz të detyrohen të marrin role të cilat i përdorin më pak aftësitë e tyre. Të jesh i bllokuar në një pozicion që nuk të lejon të përdorësh arsimimin dhe talentin tënd është mjerueshëm. Diku jashtë do të ketë një punë që do t’ju sfidojë dhe angazhojë.

Keni vështirësi të socializoheni

Ndonjëherë problemi nuk është vetë puna, por kolegët tuaj. Një punë ka të bëjë po aq me njerëzit sa edhe me punën. Nëse është e vështirë për ty të vazhdosh, atëherë kjo mund të jetë justifikim i mjaftueshëm për të ecur përpara. Kultura e zyrës dhe etika e kompanisë suaj mund të luajnë të gjitha një rol.

Të ecësh përpara mund të jetë një vendim shumë i vështirë për t’u marrë, pavarësisht se sa i pakënaqur mund të jesh. Mendoni gjërat me kujdes. Shqyrtoni qëllimet tuaja afatgjata të lumturisë dhe karrierës përpara se të bëni lëvizjen tuaj.

The post Pesë shenja që tregojnë që jeni në punën e gabuar appeared first on Studenti Solutions.

Gjenerata Z përfshin të gjithë të lindurit nga viti 1997 deri në 2010. Raporte kanë zbuluar se një mjedis pune pozitiv është me prioritet të lartë për këtë gjeneratë.

Gjenerata Z po lë shenjën e saj në botën e punësimit. U zbulua se 40% e tyre ishin të gatshëm të linin punën e tyre brenda 2 viteve të para nëse nuk do të ishin të kënaqur me përpjekjet e punëdhënësit. Nga ana tjetër, punëdhënësve u është dashur të përmirësojnë kushtet e tyre për të siguruar dhe mbajtur talentin më të mirë.

Duke parë anëtarët e moshuar të familjes dhe miqtë të përballen me Burn out, orar të paarsyeshëm të punës, vështirësi financiare dhe punëdhënës të pahijshëm, brezi i sotëm dëshiron shumë më tepër se kaq. Kjo do të thotë se punëdhënësit nuk mund të injorojnë kërkesat e Gjeneratës Z. Nëse dëshirojnë të plotësojnë rolet e tyre të punës, duhet të ndryshojnë disa standarte.

Pra, çfarë saktësisht po kërkon Gjenerata Z nga Punëdhënësit?

Punë fleksibël

Në kohën e pandemisë COVID, Gjenerata Z u mësua me idenë e punës fleksibël. Ky stil pune përfshin çdo gjë. Fillojmë nga mundësitë hibride (punë në shtëpi/zyre) deri te zgjedhja e orëve të tyre për t’iu përshtatur përgjegjësive personale. Falë lirisë së këtij stili të ri të punës, punonjësit e rinj nuk janë ende të përgatitur të kthehen në mënyrat e tyre të vjetra.

Shumë maturantë të Gjeneratës Z besojnë se puna fleksibël ka ofruar një ekuilibër më të madh punë/jetë. Falë kohës së reduktuar të udhëtimit dhe mundësisë për të punuar kudo që dëshirojnë, ata ndihen më të motivuar.

Lajmi i mirë është se shumë punëdhënës e kanë marrë parasysh këtë që nga pandemia. Ata kanë vazhduar t’u japin punonjësve zgjedhjen për të punuar në zyrë ose shtëpi për t’iu përshtatur nevojave të tyre.

Rritje në karrierë

Ndryshe nga besimi i përhapur, Gjenerata Z nuk do të ezaurohet kur bëhet fjalë për të fituar pagën e tyre. Me këtë në mendje, punëdhënësit duhet të gjejnë kohë për të pasur një bisedë të thellë me punonjësit e tyre. Kështu zbulojnë rreth qëllimeve dhe aspiratave të tyre brenda kompanisë dhe se si mund t’i ndihmojnë ata t’i arrijnë.

Një kulturë e larmishme

Disa kompani mund të mos e shohin rëndësinë e diversitetit dhe përfshirjes në vendin e punës. Në fakt është një faktor që po bëhet gjithnjë e më i rëndësishëm në sytë e Gjeneratës Z.

Forumi Ekonomik Botëror zbuloi se 72% besonin se barazia racore është një nga çështjet më të rëndësishme në botën tonë sot.

Si i tillë, punëdhënësit duhet të bëjnë përpjekje për t’a bërë vendin e tyre të punës një vend të larmishëm dhe interesant. Kjo arrihet duke punësuar të gjitha gjinitë, racat, etnitë, fetë, moshat, orientimet seksuale, si dhe ata me aftësi të vecanta.

The post Çfarë Gjenerata Z po kërkon nga Punëdhënësit? appeared first on Studenti Solutions.